اولاً هنتكلم عن الحب
الكلام هنا هيكون بالأمثال كلو ويارب تفهم.....
حاجات تبوظ اي تظبيط وحب .. لو بتحب واحده بجد اوعى تعمل حاجه من الحاجات دي عشان متتشتمش ههههههههه
اولاً في اغبيا بيبصو كتير للبنات ... وده غباء عشان انت كده بتضايقها البنات مش بتحب تحس انها بتتراقب دي تكرهك مش تحبك
ثانيا في اغبيا بردو بيعلوا صوتهم وهيه وهاااا وتهزر مع صاحبك جامد شوية قدامها واحيانا ممكن تبلطج عليه بهزار واحيانا ممكن تضرب صاحبك وبهزار بردو ...
ساعتها مش هقدر اقولك غير ان ده انت كده مفضوح ده انت كده عبيط ومختل عقلياً في نظرها بجد انا شفت ناس غبية بتعمل كده مش مهم غيرو
ثالثا ممكن واحد غبي بيخبي الموبايل بتاعوا وياخد واحد صاحبوا ويعدو من جمبها ويسألها الساعة كام .. ... هتقول اول حاجه جوة مخها (ده عبيط ده ولا ايه ميسأل اي حد تاني هو جي لغاية عندي عشان يعرف الساعة) .. صحيح ما الدنيا مليانا ناس ومحلات
رابعاً واحد غبي اوي ياخد صاحبوا ويفضل يتمشى رايح جي قدام البت ويتوقع جوة نفسوا ان ده هيعمل حاجه .. اساسا انت مكشوف اوي على فكرة وباين انك عايز تكلمها وغير كده انت مش هتاخد منها حق ولا باطل اخرك تسأل الساعة او لو تعرف واحده من صاحباتها تسألها عليها وخلاص سك على كده وده واقع واجه الحقيقه خليك جريء فالحته دي بجد
خامساً تبعت واحد صاحبك يقولها الواد ده معجب بيكي ومش عارف ايه وياريت تكلميه ده رقم تلفونو او تاخد رقمها .... البت دي لو حبتك تبقى عبيطة اوي عشان مفيش بت عاقله هتصاحب ولد ..(تيييييييييييييييييييييت) لازم يبقى راجل ويتحلى بصفات الرجولة يعني تروح انت بنفسك
سادساً تجيب رقمها من واحده صاحبتها وتكلمها .. هتقولك لو سمحت متتصلش هنا تاني انت الي المفروض ياخد الرقم افتكر ديما انو انت الي لازم تعمل كل حاجه بنفسك
سابعاً مش طول الوقت يا معلم تبقى ماسك الموبايل واغاني وضحك بصوت عالي ومنظرة عشان البت هتقول .. انك متخلف وانك بيئة
خلااااااااااااص خلصت الحته دي وعلى فكرا في ناس بتتكسف تعمل الحاجات دي بنفسها وبتخاف تتكسف او يبقى شكلهم وحش ده العكس لما انت تعمل بنفسك كده والله يابني وصدقني البت هتموت فيك وجرب انت هتخسر حاجه ..!
نيجي بقة في حته ازاي تخليها تحبك
اولاُ لازم لما تشوفك تكون انسان محترم ولابس شيك عشان بعيد عنكم يا شباب بجد والله بقت البنات مادية يحبوا الواد الروش الي قابض فلوس
ثانيا لو عديت من جمبها تعدي مرة واحده او اتنين بالكتير ومتديهاش بصة ولا اهتمام
ثالثاً ممكن تقعدوا جمبها بس بمسافة 20 او 30 متر ده اقرب حاجه
رابعاً متبصلهاش خالص غير مرة او اتنين وتاخد بالك من انك متخليهاش تشوفك وانت بتبص
خامساً تبين انك انت صاحب الشلة او ذو الأهتمام وتوطي صوتك وتكون محترم وقاعد وهادي وسيب صحابك يتنططوا قدامك براحتهم
سادساً حاول انك تبين انك مختلف عن صحابك اعمل حاجاتك مختلفه فكر في مسطلحات جديده في كلامك وطريقتك ... بدل ما تقول مثلاً طيب تقول بيس او يبقى ليك حركات معينة
( طبعا هي مش من اول يوم واول حركتين من دول هتحبك يبقى تستمر على الحال ده لغاية 3 او 4 ايام بس لازم تبقى موجود في نظرها يعني مفيش يوم متشوفكش عشان توريها كأن القدر الي جايبك لغاية عندها ومفيش حد بيرفض النعمة ولما هي تلاقيك مختلف عن صحابك في حاجه واحده بس هتفتكر انك مختلف في كل حاجه البنات تحب الشخص المميز عن الباقي والعقلاني والي بيفهم وبيعرف يتكلم وهادي نكمل .. )
نيجي بقة في حته المواجهة
سابعاً لما في مرة تلاقيها بعدت تبعد صحابك وتروح تكلمها (هوصف في ثامنا الباقي) ومتخليهومش من بعيد يقولوا مثلاً (ايوة يا معلم يا هايص انت يا هايص) البت مش هتعرفك تاني لو حد عمل كده لازم تبعد عنهم خالص وتروح تكلمها ومش لازم تسييح و تقول انا ظبط وانا هظبط وهعمل قول للي بتثق فيهم ولو بتثق في كلو يبقى قول لـ3 او 2
ثامناً تروحلها ولازم تعمل فيها خجول بدرجه خفيفه يعني لو انت خجول اصلاً جرأ نفسك شوية ولو انت بجح لا مواخزة حاول تبقى خجول شوية .. ومش اول حاجه تقولها انا بحبك لازم تقول انا ملاحظ انك لوحدك لو انتي بيتك بعيد انا ممكن اوصلك (البنات بيحبو الولد الي بيهتم بيهم ) طبعا هي هتقول لا شكرا وانت تقولها ايه بقة .. (في تاسعاً الباقي)
تاسعاً هتقولها طيب بعد اذنك ممكن من وقتك ثواني هتقولك اتفضل واحيانا البنات بيبقى في منهم بيتكلموا عادي جداً وفي منهم بيتكبرو ومنصحكش باللي بتتكبر هتبقى عيتك طين عشان هتصاحبك مصلحه او تسلية او اي كلام ... الباقي في (عاشراً)
عاشراً هتقولها ممكن اتعرف بيكي هتقولك اسمها وحاول تعرف عنها الي تقدر عليه ولو استعجلت عادي يبقى تاخد نمرتها او ايميلها (لو اخدت الميل او النمرة اعمل زي الي الحادي عشر سواء ايميل او نمرة او تقابلها)
الحادي عشر لما تشوفها تاني تكلمها وتحاول تبقوا صحاب ولازم تتعرف بصحابها كمان عشان متحسش انك بتحبها وتحش انك مختلف فعلا وانك انت الوحيد الي مجاش قالها بحبك وجه ويصاحبها ولازم تحترمها وتهزر معاها لمده اسبوع ده لو انت خلاص هتموت عليها اما لو تقدر تستنى اسبوعين صدقني العلاقة هتكون تمام
الثاني عشر بعديها بقه الصراااااااااحة وانت بتكلمها فالتلفون لو انت هتموت من الكسوف بس لو عايز العلاقة تنجح 100% يبقى تقولها في وشها ::: هتقولها كلام رومانسي على قد ما اقدر الكلام ده انا مش هقدر اكتبوا واوعى تحفظ كلام لازم يبقى ارتجال وصدقي والله هتنجح
